August 07 Amdavad Satsang

Latest GuruPoornima Satsang

Delhi  Poonam Satsang 30June-1st July

1st July 2007:-  

1st July 2007, Sunday k subah k Sanskar channel k Live telecast mein, Pujya BapuJi ne kaha 13th July 2007 ko samay

”paanch bajkar gyaarah minute se saat bajkar baarah (minute) choudaah minute tak (5:11 AM se 7:12/14 PM)”.

 

12th July 2007 k raat ko sankalp karke so jaana aur 13th ko din bhar OM kaa jap karnaa.

 

Satsang mein ek baat BapuJi ne yaha bhee kahee ki jo bhee mein boltaa hoon, bahut kuch aage peeche kaa sonch kar boltaa hoon. Ab baarish k din aa rahe hain, Aamle kaa juice peenaa, Harda ko sendha namak lagaa k lenaa .............. (Satsang mein kuch bataate hue BapuJi ne aisaa kahaa, jaisaa mujhe yaad hain likhaa hoon; Jab Ashram k website par yaha Satsang upload hogaa to exact shabd sabhee sakta hain)

 

BapuJi ne kahaa ki ham (Aur Ghatwaale BabaJi kaa bhe udaaharan diyaa) jaanbujhkar aisee jagah (Disaa k Sindhi colony mein Bhiksha maangne.........., raat ko kaee log hatyaar le k aa gaye, par Samtaa kee drusti k aage sabhee k hathyaar gir gaye, ve hamaare bhakt ban gaye........... Sharbi ne gardan par aaraa rakhaa, TERI MARZI POORAN HO, Hamen kuch bhee nahin huaa......) par jaate ki apmaan ho aur man ko dikhate kaissa lagaa, dukh kisko huaa............. Aapko dukh/apmaan apne aap aa rahaa hain to iskaa bhee labh lo........... Nitya Yog ............. Jiskaa kabhee viyog nahin, uskaa vichar..... Samtaa..............

 

 

30th June Evening:-

pooja paath me man na lage to vishesh fal nahin hota.. saamnaya fal hota hai..

lekin naam jap me.. aisa nahin hota..

naam japat mangal dishi dasahun

jabahin naam hriday dharyo bhayo paap ko naash

jaise chinagi aag ki, padi puraane ghaas

bhanwan ke naam me sankhya ka mahtva nahin hai,preeti ka mahtva hai, bhgwatpraapti ka uddeshya ka mahtva hai...

preeti na ho to kahan se laaye?

subah kamra band karke 5 min. jaisa bhi aaye naacho koodo ro..

subah paani me dekhke...100 baar bhagwan ke naam ka uchharan karen...,antakakaran pavitra hoga...

tulsi hari guru kripa bina.. vimal vivek na hoye

vivek se antahakaran shuudh hoga ki antahakaran shudd hone se vivek hoga?

vivek se punya hota hai ki vivek se punya hota hai.

punya se vivek nahin vivek se punya hota hai aur vivek satsang se milta hai

binu satsang vivek na hoi.. saamnaya vivek pashu-pakshi ko bhi hai..

lekin yahan .. vinaashi kya hai aur vinaashi kya? nitya kya hai anitya kya hai ?aisa vivek satsang se hota hai

binu satsang vivek na hoi.

teerth me nahaane se punya hota hai..

teerath nahaaye ek fal.. sant mile fal chaar (dharm, arth, kaam, moskh)

Satguru mile anant fal, kahat kabir vichaar

jis fal ka ant na ho.. usko bolte hain anant fal

ihswar ke sivaay jo bhi milega.. vo ant wala hoga..ishwar anant hai. aatma parmatma anant hai

to sansaar me kuchh chahiye to purusharth chahiye, bhagya chahiye aur jo milega vo chhot jaayega

aur adhyamik unnati me.. dharm ka mahtva nahin hai.. bhaav ka mahtva hai...bhaavgraahi janradana

kriya ki pradhaanta se saadhan hota hai.. jaise pryanam kiya, jap kiya.. dhyan kiya.. ye bhi kiya.... lekin ishwar praaptio karma ke bal se nahi hogi,saseem se aseem khareeda nahin jaaeyga..ant wale se anant nahin milega,

lekin bhagwan ka naam lenge to,..bhagwan ko apna maanege to bahgwan se preeti hogi

apnatva me prem hota hai

bhajtaam preetipurvakam, dadaami buddhiyogam tam

ishwar ke saath aapka nityasanyog hai.. sansaar ke saath viyog hota hai

to sanyog me preeti ho jaaygei to man wahan le jaayegi..nityyog me preeti ho jaaygi to...bhagwan se mila degi.

bhawatakaar smriti ban gayi.. yogi ki vritti nidoh ho gayi, ekagra ho gayi lekin

krishna jo yog batate hain.. usme vrittiya ekagrna na bhi ho to.. vrittiyan badalti hai.. jo nahin badalta...usko jaanle, tatvaswaroop se.

mahapourush ke darshan se vivek nikharta hai

tum tasalli na do...sirf baithe hi raho, mahfil ka rang badal jaayega, girta hua dil bhi sambhal jaayega.

sadho ab hum na marenge.... jo marega vo mein nahin hu., aur jo mein hu wahan maut nahin aa sakti

apne amar aatma me..

tarang me steamer nahin chalte... lekin paani me chalte hain...

apne ko aatma manege to parmatma ke saath nitya yog hai.. chup baithe.. fir man idhar udhar jaaye.. fir mera parmatma ke saath nitya yog hai..

jaise ghade ka aakash ka mahaakaash ke saath nitya yog hai..

agar aapke leiye bhagwan ke liye thodi bhi shradhha hai.. to aapko ve sachhe sant se mila dega..

kinhi bhi 5 devo ko agar aap ishtdev maante hain... to vo aapko sacche sant se mila denge, 5 dev hain Bhagwan Shiv, Maa Shakti, Bhagwan Vishnu, Bhagwan Ganpati, aur Bhagwan Surya.ye dev

kabhi pyaar to kabhi daant se, kabhi kripa kabhi daya se..aapko unnati karaate karaate sant se mila denge...sant se mila de to samajhna uski kripa hai...

pracheta.. unko jawani me vivek jaga... rajya mil jaayega fir kkya??

jungle me chale gaye.. sadhna ki shiv ji ki..brahmcharya sadhan me jaldi safalta deta hai...

 

Gurudev bataye ki log marne ke baad apne netra de jaate hain, lekin netra daan se bhi satsang bada daan hai... kyonki netra se to aur sansaar ko dekhega, uski satyata bharega lekin satsang de do to andhe ko bhi soordaas bana dega..sabko satsang de do... ye bada daan hai..

netra daan se bhi bada.. satsang daan bada.. vimal vivek.. gyan ki aankh de do

 

pracheta ne bhagwan Shiv ki upasna ki, Shivji aaye, bole-- varam bruyaat

tp bole bhagwan vishnu ka darshan karna hai...

to Bhagwan shiv ne bataya mantra , ab Bhagwan Shiv mantra bataayen to vishnu ji kaise nahin aayenge..

Bhagwan Vishnu aaye, kaha var maang lo, to bole ki

jo abhi nahin hai.. vo baad me milga to fir nahin ho jaayega...

isliye bhagwan narayan jaisa-2 humne karam kiya.. vo sab aur ye shareer to chhoot jaayega..

jisme mera bhala ho... wahi dijiye

viushni ji ne kaha-

bhagwan ne kaha... tumhara bhala hoga... sant naarad milenge.. vimal vivek hoga.. aur aatma parmatma ka saakshaatkaar hoga..

 

to aapko mufat me satsang me mil raha hai..

bhagwan vahsishtha ji kahte hain.. ek aadmi ko chintamni mill...usko fenk diya.. fir kai hafto ki mehnat ke baad kaanch ka tukda mila aur use chintamani maankar poojne laga, kuchh mila nahin

jo badi mushkil se mile... vo nashwar hota hai,

vimal vivek se jo samajh me aata hai.. vo nashwar nahin hota hai..

urvashi ne arjun ko khoob boli, lekin arjun bola usvashi ko nahin...

kaam dabta hai to krodh hota hai.. urvashi shraap dene lagi arjun bola ye manjoor hai lekin brahmcharya khandit nahin karega

 

aisa bahaadur arjun, bhagwan krishna saath me hai, moha me pada hai..bhagwan ne satsang sunaya to arjun bolta hai, nashto moha smriti labdhwa smriti mil gayi.. ab tumare vachan karunga...

punya ke bal se vivek nahin hota hai.. vivek se punya hota hai ,

tulsi hari guru karuna vina vimal vivek na hoi..

 

pahle jitni aayushya thi,., utni ab nahin hai..lekin usko jaane wale ka viyog hua kya?

shareer to badlega...

bhajtaam preetipruvakam...

aap ye sumran rakho ki... sabme samchitta ishwar ka yog hai...ye ishwar ki leela hai , hum abhinay kar rahe hain...

fir aap vyavhaar to kar0ge..

 

ek hoti hai smriti- kriyajanya, doosri hoti hai gyan janya..

kriyajanya smriti karni padti hai..

lekin aap mohan bhai hain, ab mein falane ki patni hu.. aisa sumiran karna padta hai kya?... kabhi rata kya?? ye gyan janya smriti hai...

gyan janya smriti aapke saath bhagwan ke nitya yog ko pusht karega.

 

Bhagwan milna kathin nahin hai, jisko kathin lage usko abhi Parmatma nahin mile, lekin jisko kathin nahin lagta aise sant ka milna kathin hai, mil jaaye to shraddha hona kathi hai.. shradhhan ho jaaye to satsang milna mushkil hai... satsang mil jaaye to mahaaraj palla chhudaana muskhkil hai..

 

Satsang me pahunch gaye to aap college level me pahunch gaye aadhyatmikta me.

 

gyani ke darshan se tripti milti hai.. akhilam madhuram...

bhagwan madhumay hain...anatraatma bhi madhumay hai.. to madhuswaroop.. apne chitta ko raag dwesh se ...bigaado mat.. vaasudevam sarvam iti...

 

Fir Gurudev Sant Raman ki katha sunaaye ki, kaise unhone budhiya ko sahi nyaay dilwaya. 4 log ek budhiya ko kuchh dhan de gaye.. aur bol gaye ki hum chaaro aaye to hi ye dhan humko dena warna nahin,... to thodi door jaane par ek ki neeyat bigdi vo apne saathi se kuchh ishara karwaya aur budhiya ko bola ki dekho vo log kah rahe hain dhan de do... budhiya bholi bhaali ne dhan de diya. aur vo saara dhan leke bhaag gaya. ab baaki 3 aake kahne lage humara dhan do, to budhiya fans gayi... raaja tak baat gayi... raja ne nyaya diya ki iski jameen bechni hogi aur unko dhan dena hoga, galti budhiya ki hai.

 

budhiya nyay leke jaa rahi thi, apni gareebi ko koste huye ki gaareb ka bhagya bhi gareeb... raste me Balak Raman mil gaye... baat poori hone par Balak Raman ne kaha Raja ko vivek nahin hai... tab Raja wahin se gujar raha tha,... raja ne kaha kal rajdarbaar me aake nyaya dena. to usne un 3 ko bulaya aur bola ki tumne kaha tha ki jab chaaron aaye tabhi humko dhan dena, to tum 4th saathi le aao to hum timko dhan de den,... sab balak raman ke vivek ki taareef karne lage...

aise hi ek aur katha thi- jisme ek billi ka aage ka hissa kisi aur ka tha peeche ka kisi aur ka, peeche ke ek pair me billi ko chot lagi thi to usme patti baandhi gayi, .. us patti me kaise karke aag lag gayi...aur billi kapaas le godaam me kood gayi.. poora kapaas jal gaya ... to dosh uska aaya ki jis pair se aag lagi uska dosh hai... arthaat jiska vo pair tha vo harjaan bhare... lekin Balak Raman bole ki billi konse pair se chali.. uska dosh hai .. na ki jisme chot hai.

Satsang se laukik bal bhi milta hai, aur aadhyatmik bal bhi.

 

Morning:-

aaj bapuji ne satsang main 3 sawaal pooche aur kaha ki iska utter jo dega usko bapuji ke darshan ka veshes mouka milega, vo saadhak jaha se bhi aayega uske aane jane ka air ticket diya jayega. prashan hai

1. Buddhi khaati kya hai ?
2. Buddhi Peeti kya hai ?
3. Buddhi ka Swaroop kya hai ?

 

HariOm 

 

Delhi Ekant Satsang Rajokari-24th June 2007

Guruji Sunday ko Rajokari me Satsang diye -- 4:00 pm baje se Pujya Sureshanand ji ne satsang kiya. 6:00 baje se Guru ji darshan diye aur satsang diye 

Guru ji satsang me kaha  NASA ke log apne avishkar ko bhut bara bana maan
rahe hai, yeh bhaarat me bahut samay phale bharat ke log antrisk me rahkar aa
chuke hai
Guru ji ne avala ka churn sooth ke saath pani me milakar lene ke liye kaha
hai

guru ji ne kaha ki Ishvar ki oor, Bhagwannaam mahima, Narayan Stuti, Yuvadhan
pustak ko bar bar avashay parhee.

Guru ji adiktar satsang atma me saant hone ke liya kara or kaha ki 1 lakh
rupee din ke kamata ho chae 1 crore din kamata ho aaj ka satsang usse bhi
kimti hai.
Guruji ne kaha hai ganga ji bhah rahi jisko gota lagana hai laga lo, nahi to
panchi uar jayega  jitna guruji ke sanidhya ka labh le sako unta le lo

kal Guru ji satsang me satya saant hone ke kah rahe the, apne atma me hi
saant ho.

Narayan Hari
 

Delhi Ekant Satsang Rajokari- 20th June 2007

  1) Sadhna marg mein gyaan ka sthan ooncha hai...satya ko janna..lekin dhyaan gyaan se bhi shreshtha hai. dhyaan se jaane huay tatva ki aur gehrai mein utara jaata hai....lekin dhyaan se bhi shreshtha hai karm phal ka tyag..arthat Seva...Teeno mein sabse
shrestha yehi hai kyonki dhyaan kabhi lage, kabhi na lage...kabhi anubhooti ho kabhi na ho....lekin karm phal ke tyag yaani Seva karte hi aap turant usmein anand ka anubhav karte hain..

isliye Seva se kabhi mat bacho.

2) Sadhna se to asadhan chhootega...lekin bhagwaan prapti preeti se hogi.

3) Sadhna mein 5 sabse mahatvapoorna hain : Ekagrata, Anasakti, Brahmcharya, Shradha, Sachharitra (Sachhai aur Sadbhav). Sadhak ke jeevan mein ye paanch ho to dekho kitni jaldi Ishwar prapti hoti hai.

Lekin shaam ke satsang mein Bapuji baar baar nivratti ki baat kar rahe the.....kehne lage....ab mein dheere dheere nivratta ho raha hoon....bas apne sat-chitt-anand mein hi rehna chahta hoon..isiliye sab jagah se photo-voto hatva di...ab tum log bhi poonam apne par hi karna..68 saal ka ho gaya hoon.....kuchh alag hi bhav mein the Bapu..!!

Narayan..!!

Delhi Poonam Satsang 31st May 2007

 1. Shri Sureshji Said that while depositing the money in bank or going for business in your shop alwayz keep chanting "Shreem"

2.Pujiya Guruji said when anger comes we muxt chant "Omkar".Since Omkar is beej mantra

3.Guruji also said when we go any thirth snaan in Ganga, yamuna or Narmada we must go in water till our navel (dhun) is covered and take water in angali thts our hand look in tht water and chant OM 100 times and drink this water . At home u take silver is best if not tambha or steel katori will also do every morning after bath we all must take the katori in hand and say Om 100 times n drink bapuji said since now on he might not be giving mantr diksha but this is as good as that.Person doing this will get inner health and this will make our Mana and Prana Shakti Swastha.

4.Bapuji also said that we all should know our udesha.Hum sabkho apna Saath Chit anand Swaroop kho pana hai say this befor sleeping and getting up from bed.

5.Agar ghar mein jhade aur aashanti hai tho bapuji ne kaha hai ki ghar ke sabhi sadasya milkar Gugul,shakkar aur ghee dalkar doop kare aur prathana kare is ghar mein shanti rahte hai and do Hari on kha Gunjan while chanting look into water sprinkle this water all over ur house and drink.

6.When person is sitting ideal should join both the teeth n keep ur tongue there this will give u ekagratha and u have shivling at home then one must keep it in plate do abhishek with milk and keep looking at it.On full moon day look at the moon and do omkar jap this all will give us ekagratha.

Delhi ke Poonam darshan mein Bapu ne khoob mauj karai......tatva ki baatein to batai hi aur khoob kirtan bhi karaya......pyare Bapu ne sabko katori mein paani lekar usse dekhte huay OM OM ka japa 100  baar karke fir peene ko kaha...bole, ye karke dekho to sahi..kya  chamatkar hota hai...aur poochha aap karoge na aisa roz.....sabne haath ooper kiye aur Sai bole...bas ho gayi ye meri Poonam ki dakshina...:) 

Woh bole aap sabmein yogyata hai, saamarthya hai..Aatmasakshatkar karne ka....bas lagan honi chahiye....1 saal tak roz OMKAR mantra ki 120 mala karein...ek saal tak lag ke karein.....Sakshatkar ho jaayega. Mujhe 40 din ke anushthan se ho gaya, Parikshit ko 7 din mein ho gaya....Bas irada pucca kar lo...Kyon nahi ho sakta. 

Yeh kaisa hai Jaadu samajh mein na aaya tere pyaar ne humko jina sikhaya....Narayana Srimannarayana....!!

Narayana Hari...!!

Haridwar Ekant Satsang May 2007 

 
Pujya Bapuji ne  subah 6:15  ke satsang bataya hai, jisko isvar parapti karni hai uske liye bharmcharya rakna pahali shart hai, jo bhano se bate karta hai or jo bahne bhaiyo se bate karti hai vo sab lafange hai, unse harmari jayada nahi pat ti, jo sanyam se rahte hai bhano se jayada nahi bolte ve hi isvar prapti ke kabil hai
unhi ko ham madad karnge

paach baato ko apnane se jivan me sab kuch prapt kar sakte hai
Aap mahan ban sakte hai

1.- Ekagarta
2.- Anasakti
3.- Shardha
4.- Bharamcharya
5.- Sadhchritara

Aap nirbhay bano,sabke bhitar bhay chupa hua hai,jab aap dhyan me bhaithte ho
or koi agar aap ko chuta hai to aap daar jate hai...., bhay ko dur karne ke liye
sabhi me parmatama ko dekna chaiye asa karne se bhay khatm ho jayega 

 

Haridwar Poonam Satsang 2007 

Haridwar mein Shraddha channel ne Satsang ka live telecast kiya
tha....Gurudev ne channel ke naam ki sarahna karte huey kaha ki channelwalon ne bahut badhiya naam rakha hai....shradhha ke saath tatparta aur indriya-sanyam bhagvaan ko bhi parakat kar sakti hai....

Phir Gurudev ne kaha:
Zindagi ke bojh ko, hus kar uthaana chahiye,
Raah ki dusvariyon par, muskurana chahiye...


Paristhitiyaan badal jaayengi, lekin abadal aatma parmaatma mere saath tha,hai aur rahega....aur ishwar prapti koi kathhin cheez nahin hai....sansaar mein sadaa sukhi rehna asambhav hai, aur parmaatm tatv ko jaankar dukhi hona asambhav hai...jisko sadaa rakh na sakein, uska naam sansaar hai....jisko kabhi chhod na sakey, vo parmaatma hai...agley jeevan ka kya rakha aapne, bachpan ka kya rakha aapne, lekin usko jaanne wala nahin badla...mann tu
jyoti svaroop apna mool pichhaan
....tu jaanne wala, dekhne wala, parmaatma ka amrit putr hai....

Gurudev ne pakka karne ko kaha:
aadar tatha anaadar, vachan burey tyun bhaley,
ninda stuti jagat ki, dhar jootey ke talley...


Gurudev ne aagey kaha:

aap ninda stuti ko mahatv na do....nindneeya karm na karein, lekin jhooth mooth mein ninda, vighn-baadha aati hai to aapki shakti jagaane ko aati hai....wah-wahi hoti hai to usko dhanyavaad do ki aapke dvaara usne wah-wahi yogya kaam karvaaya....wah-wahi apne sir par rakhogey to bojha chadh jaayega....raam ji vijayi hokar aaye to boley ki Gurudev, aapke aashirvaad ka yash hua, raavan mara....

abhimaan na karein....apne mann ko samjhaao ki paani ki ek boond se "the beginning" hui shareer ki, aur muthhi bhar raakh mein athva to kabr mein mitti mein "the end" ho jaayega....apne mann ko samjhaao ki aakhir kya?  

pada rahega maal khazaana, chhod triya sut jaana hai...kar satsang abhi se pyaare, nahin to phir pachhtaana hai.... khilaa pilaakar deh badhaai, woh bhi agni mein jalaana hai...kar satsang abhi se pyaare, nahin to phir pachhtaana hai....

nitya vastu aatma hai, parmaatma hai aur usko paane ki ichha maatr se raastey khul jaatey hain....anitya sansaar hai, usko paaney ki ichha maatr se raaste nahin khultey hain, usmein apni mehnat hoti hai, prarabdh hotahai, vaatavaran ki anukoolta hoti hai, phir bhi woh tohfey mil mil kar chhoot jaatey hain....bhagvaan ko chaho to bhagvaan prakat honey mein maarg-darshan karte hain....

Gurudev ne phir sandhya ke samay pranaayaam karaaye aur kaha ki jisne sandhya ke samay pranaayaam kiye, uska praanbal, manobal suviksit rehta hai, to bhagya ki rekhaaein bhi badalti hain....metat kathin kuank bhaal ke....sandhya karne waley ko rozi roti ke liye, rupye paise ke liye haath lamba nahin karna padta....bhagvaan raam dopahar ko bhi pranaayam karte thhey, bhagvaan krishna bhi pranaayam kartey thhey, bhagvaan raam ke Gurudev bhi pranaayaam kartey thhey, mere Gurudev bhi karte thhey, main (Gurudev) bhi karta hun...akeley pranaayam ek phephson ki kasrat ho jaayegi, usse laabh hoga aarogya ka, lekin bhagvaan ka naam bharogey to uska sau (100) guna prabhaav hota hai, bhagvat naam se, saatviktaa ke kaaran....

dhoop mein khuley sir ghoomna netron ko, kaanon ko, aur yaad shakti ko kamzor karta hai....tulsi ke paudhey ko jo seenchta hai, usko sava maasa sona daan karne ka punya hota hai...tulsi ji jahan hoti hain, wahan bacteria nahin panaptey...

Ganga, gaaye aur Gita - in se agar faayda lein to videshi companyiyan jo arabon rupye noch rahi hain bharat mein, unse hamaari raksha ho jaaye....

Teerth se teen faayde to sheeghra aur sahaj mein hotey hain:
1. Dharm laabh,
2. Is lok aur par lok ki oonchi gati ki kaamna ka laabh,
3. Mukti ka laabh

Ganga apna naam uchhaaran karne waley ke paapon ka shaman karti hai, darshan karne waley ka kalyaan karti hai, aur snaan aur usmein aachman karne waley ki to saat saat peedhiyon ki paap raashi aur saat saat peedhiyon ka kalyaan karne ka saamarthya Maa Ganga ji mein hai, aisa Mahabharat van parv mein likha hai...

Gurudev ne aagey kaha ki teerth mein agar 12 niyamon ka paalan karein to chaar chaand lag jaate hain:
1. Haath ke dwaara paap na ho (jaise jebkatre aadi paap karte hain)
2. Pair ka sanyam, pair gandey karm ki jagah na jaayein
3. Mann ka sanyam
4. Vidya ka sadupyog - jo bhi vidya padhey hain ussey mann chaha arth lagakar kisi ko pataaye nahin
5. Teerth mein tapasya karein, chatorey-pan se, gupshup se apne ko
bachaayein
6. Yash ke liye, sair sapaate ke liye teerth na karein, bhagvat preeti ke liye karein.
7. Parigrah ka tyaag - aapko avashyak na ho, aur doosrey ka kuch rakh liya...
8. Aatma-santosh - jaise rehne ko mil gaya, usmein santosh karein,
fariyaadaatmak vichaar se apne ko bachaayein...
9. Ahankar se bharkar kritya na karein, na bolein...
10. Jitendriyata - pati patni saath mein hai to bhi kaam vikaar se bachein, sanyam se rahein...
11. Sheikh chilli ke kiley na banaayein...main aisa kar dunga, vaisa kar dunga...
12. Dambh ka abhaav - sahaj jeevan jiyein...aastik mehmaan ghar aaye aur hum pooja ka time badhaa dein to yeh dambh hai...koi naastik sa aaye to pooja short kar dein, yeh bhi dambh hai...teerth mein to dambh ka abhaav ho, vyavhaar mein dambh ka abhaav humein bhagvat sukh, bhagvat prerna, bhagvat ras aur bhagvat tatv se jod dega...

Bhagvaan ko paaney ke tareekey bataatey huey Gurudev ne kaha ki apne bal, budhhi, yogyataaon se hum bhagvaan ko paa lengey, yeh apne dil se nikaal do....yeh fal saadhan te na hoi...bhagvaan se prarthna karo ki prabhu! hum aapko preeti poorvak bhajein...aap hamari saadhna ke bal se nahin, apni kripa se hi milogey...

Bhagvaan ko paaney ka tareeka bataatey huey, Gurudev ne kaha ki bhagvaan ko apna maanein....bhagvaan hamaarey thhey, hain aur rahengey...hum unhein jaanein ya na jaanein, vey humein jaantey hain...ishwar praapti ka bahut sugam saadhan hai....bhagvaan! aap hamare apne ho...shareer mera nahin hai...apni ahanta badalne se mamta badal jaati hai...shareer ko "main" aur vastuoon ko "meri" maanne ki galti chhod do...vaastav mein main aatma hun aur parmaatma mere hain...prabhu! aap safalta dete hain vishaad harne ke liye, vifalta dete hain aasakti aur ahankaar harne ke liye....

Aap hum apne bal se, apni akl se yahan baithey hain? nahin nahin ismein bhagvaan ka haath hai, kyon bhagvaan ka haath hai? ki bhagvaan ki ek aadat hai, maine (Gurudev ne) shaastron mein sunaa hai ki jo bhagvaan ko ek baar thoda bahut bhi chah leta hai, to bhagvaan usko apni nazar se chookne nahin dete, antaryaami hokar to baithey hi hain...ek baar aapne bhagvaan ke nimit koi bhi seva kar li, mata pita ki, gareeb gurbey ki, teerth ki yaatra, kuch
bhi, to ishwar samajh jaatey hain ki yeh chahta to hai, bhaley hi kum chahta hai, to yeh mera ho gaya...pyaare ki itni kripa ki humko hajaar hajaar vighn baadha se nikaal kar, athva to hum vilaasi ho rahe hain to vighn baadhadekar ghuma phira kar apni taraf lagaane ki badi leela karta hai, badi kripa karta hai...

Gurudev ne svaasthya ki baat bataatey huey kaha ki pairon ki paayal aur maathey par tilak naari jaati ke liye bahut hitkaari hai...naabhi ke neechey ke hissey mein chandi pehni jaati hai aur naabhi ke upar sona pehna jaata hai...koi bhi davaai khaatey hain, 21 baar "om namo narayanay" jap karke lein to davaai mein jaan aa jaayegi...

Gurudev ne yeh bhi batayaa ki barsaat ki season aaney wali hai to vayu prakopit hoga, aise mein ilaaychi, jeera, saunf aur kaali mirch koot kar rakhein, paet ki gadbadi ho to thoda mishran lein....

Chandigarh Satsang from 5th April 07 

7th April 07 

 Aaj ke satsang me Bapu Ji ne Om-Om ka bahut der tak gunjan karvaya phir shant hone ko kaha.

kab tak idhar udhar bhatakna ? ab to apne me sthit hone ki kala sikh lo.

Aaj ka satsang mool roop se maun ki mahima aur dhyan, kirtan ke bare me tha.

 

Narayan Hari

6th April 07

Aaj ke satsang ke kuch bindu:

Kuch baate jaan lo :

1) Sharir swapna hai aur badalne wala hai. Isme asakti rahegi to dukho se peecha nahi chutega.
2) main chetan swaroop hoon.
Woh sat hai, chetan hai, gyan swaroop hai, anand swaroop hai.
3) main duki hoon, main beemar hoon, main 60 saal ka hoon mera beta aisa hai... aadi aadi. yeh sabhi manyataye kalpanik hai.
"So sahib sat sada hazoore, andha janat ta ko doore."
paath karo aur paath karke shant ho jao, uske anubhav me dhoob jao.
jaap karo aur jaap karke shant ho jao, parmatma ke dhyan me doob jao.
to parmatma bahut jaldi milenge aur yahi dukh mitane ka sundar tarika hai.
"Jaisa sapna rain ka taisa yeh sansar."
4) Usi main aaram pao. usi mein chup ho jao. Nind nahi, aalasya nahi, kalpna nahi varan vishram pao. Samay bahut kimti hai. kaun pata nahi kab aur kahan se chal de.
har yug ka apna ek taran mantra hai. satyug ka apna taran mantra hai, treta yug, dwapar yug ka bhi apna mantra hai.

kalyug ka bada saral mantra hai.
"Hare Ram Hare Ram, Ram Ram Hare Hare, Hare Krishna Hare Krishna Hare Hare!!"
Sansar ko apne se milana, Aur Rab ko apne se hatana asambhav hai.
Jisko chod na sake woh hai parmatma.

Narayan Hari

5th April 07 -Part2

Satsang ke kuch bindu :
 
Ek baar Akbar ke paas ek bhikari(beggar) aaya, use kuch baat lag gayi. Usko viragya jaga aur Parmatma prapti ki aur lag gaya. Kuch hi samay me woh bada prasidh ho gaya aur sant ban gaya. Us sant ke bare me Akbar ko pata chala to woh bhi darshan karne ke liye gaya. Sant ke aage namaskar karke bola – Maharaj kisi vastu ki awasyakta ho to ni-sankoch bata dena.
Sant (former begger) said Raja ji, mujhe to kuch nahi chahiye lekin yadi aapko kuch zaroorat ho to mujhe bolna.
Bapu Ji added : "kahan to bhikari, lekin anter chetna ke prakash se kitna samarthya aa gaya"
Hum sab bhi athah samarthya hote hue bhikari hi hai. kyonki apni asli shakti ko nahi jaan paye. Kab tak asli sukh se door rahoge lala ? Ab to samajh jao. Shor sharabe ki apeksha shant hokar andar ka sukh pao.
Bapu Ji sung the kirtan with dyan
"Hare Ram Hare Ram, Ram-Ram Hare Hare !
Hare Krishna Hare Krishna, Krishna-Krishna Hare Hare!!"
 
Narayan Hari

 

5th April 07-  Part1

Satsang Pearls of Day2 (05-April-2007) at Chandigarh Ashram :

Pujya Bapu Ji was in his full "Mauj" yesterday. Bapu Ji had asked several spiritual questions from us (sadhak). I am writing some of themhere.

1) Woh kaun hai jo kabhi bhi apni karuna dena band nahi karta?
2) Woh kaun hai jo dilo ki dhadkan ko chalata hai?
3) Woh kaun hai jo sarv vyapt hai?
4) Woh kaun hai jo suksham se bhi suksham hai aur bade me bada hai?

The answer you know very well.
Other questions

5) Aisa kaun sa gyan hai jise pane ke baad kuch pana shesh nahi rah jata?
6) Aisa kaun sa gyan hai jo sarvshreshth hai?
6) Aisa kaun sa gyan hai jo ishwar ko bhi aapke peeche aane ko vivash kar de?

All said "Aatm Gyan" / "Brahm Gyan"

Bapu ji said "kewal sun kar bol diya, kabhi anubhav bhi kiya hai"
Next questions :
7) Atma kaisi hoti hai ? kitni badi ya choti hoti hai?
8) Atma kaha rahti hai?

All were silent then for few minutes. Any one of us said " Bapu Ji, Atma hriday(dil) me rahti hai "
Bapu Ji said " Agar atma dil me rahti hai to iska matlab atma dil se choti hai. Aur agar atma choti hai to itni shaktishali kaise hai?"

Then Bapuji given an example. He added " Ek factory me kai machine hoti hai. Unko chalane ke liye wiring hoti hai jo ki machino ko chalati hai, lekin in sabse bhi shukshm vidyut hoti hai jo dikhai bhi nahi deti parantu sab machino ko gati deti hai. Isi prakar Atma bina dikhe bhi sabhi ko gati deti hai."

 

Poonam Darshan 2nd April 07 Hanuman Jayanti Delhi

Iss bar Bapuji ne kaha ki January mein aap logo ko thik se poonam
darshan nahi to mujhe vo khatak raha tha.... socha app logo ko uske
badle kya doon..... Ye chaar sutra apne mein utar lo ...

1. Sansar ki chije anitya hai, badalne wali hai ...ho ho ke khatam ho jaati hai ..

2. Mein Chetan hoon.. aatma hoon.. nitya hoon....ananda roop
hoon..

3. Hamari jo bhi manyataen hain ve sabhi iss sarir ko agyan se
apna manane ke karan hai... mein punjabi hoon..baniyan hoon.... ye sab iss sarir ko sachhha manne se hoti hain..

4. Apne aap me VISHRAM...

Bapuji ji ne kaha.. badle mein dene ke liye isse achcha mujhe kuchh
nahi laga ... phir saam ko maun satsang hua ... sandhya ..hare rama
hare krishna kirtan ...

Chetichand Dhyan Yog Shivir Amdavad 2007

Gurudev is shivir me bahut kam bole, shant dhyan- maun- chup satsang jyada hua.

19th Suryagrahan ke time bhi Bapuji padhaare aur poore Suryagrahan ke samay tak jap karwaaye, dikshit se Gurumantra aur anya se Hare Ram Hare Ram Ram Ram Hare Hare- Hare Krishna Hare Krishna Krishna Krishna Hare Hare,.. ya Gurudev bole aur jo mantra diye hain.. ve jap sakte hain,... bahut oonchi kamaai kar rahe ho aap... Bapuji bhi swayam mala kar rahe the vyaaspeeth par.

uske baad Shri Narayan Stuti ka paath aur Shri YogaVashishtha Maharamayan ka paath hua, fir
Hare Ram Hare Ram Ram Ram Hare Hare- Hare Krishna Hare Krishna Krishna Krishna Hare Hare, ka kirtan bhi Bapuji lagbhag har satra me ye kirtan ya Mukti Kirtan (Shakti Bhakti Mukti) karwa rahe the.

Parmatma Sam hai, hitaishi hai, aur humara Aatma hai.. atma kahin bahar nahin... atma matlab apna aapa..
Who Am I? Research... i m not the body, not mind,.. i m soul...

Ichharahit hona badi oonchi uplabdhi hai,

Bapuji bole ki paduka poojan se bhi adhik Gurumantra aur shwasoshaas ki sadhna oonchi hai. 

Bapuji Maun ki bhi mahima bataye,.. Bapuji bhi ab maun me jaane ke vichaar me hain. 

Shwasoshwas ki sadhna- kleshnashini-dukhnashini bhakti hai.

Chetichand ke din to Bapuji bahut badhiya chetichand manwaaye, Bapuji bole ab tak ki sabse badhiya chetichand mani hai ab..

Gurudev dopahar me aaye, shant satsang chal raha tha, fir Jhulelaal feri wale kirtan karte huye ,.band party ke saath aa rahe the... to Gurudev unhe aagya diye, abhi ruko,.. pahle thodi shanti paa lo. fir kirtna karna.. fir Gurudev sabko letne ke liye bole aur yognidra ki yukti karwayi.. shawasoshwas ki ginti.. fir kuchh na karna... fir Gurudev shant satsang-dhyan ke dwara gahre le gaye.. chup.. fir Aayolaal Jhulelaal Mahotsav- Kirtan hua.. program huye... firse shant satsang- dhyan,.. fir kirtan... fir dhyan...
Bapuji bole Jhulelaal aise jyada khush hote hain..

Gurudev ye pakka karwaaye-Guru ke sanmukh jaayike- sahe kasauti dukh-- kah kabir taa dukh par, koti vaarun sukh.

 Man ki chanchalta dukh ka itna kaaran nahin, jitna sansaar se sukh lene ki vaasna hai. Sansaar ka sukh baanto aur Parmaatm sukh paao

Vashishtha ji bole He Ramji! Guru ke vachno me aastik buddhi karo- tabhi kalyaan hoga, matlab Gurudev humare hit ke liye bolte hain, inse hi humara hit hoga... aisi aastik buddhi honi chahiye

Moksh ke 4 dwaarpaal hain, inse mitrata karo - Sham, Santosh, Satsang, aur Vichar.. kisi ek ko bhi jivan me laao to chaaron aa jaayenge, jaise chaadar ka koi bhi chhera pakro to baaki teen apne aap jaayenge.
Jaake priya na Ram videhi- tajiye taahi koti vairin sam, yadyapi param sanehi.. jo aapko aadhytmikta se giraaye unka sang nahin karna chahiye ...
vaastav me ye jo dikh raha hai na, ye hai hi nahin, sab beet raha hai swapne ki tarah,... shivir ho shivir ho.. ab dekhna kal jaake wanha.. sab swapna. lekin jiske aage ye sab pasaar ho gaya... vo abhi bhi hai... humara aatma.

Aum Aum Aum

Aum Tam Namami Gurum Param
Aum Tam Namami Gurum Param
Aum Tam Namami Gurum Param

Uttarayan Dhyan Yog Shivir Amdavad 2007

Sewa- Hanumanji ne kahan socha ki mein yahan sadhan bhajan karne aaya tha
aur mujh BalBrahmchari ko ek stri jaati(lankini) se bhidna pad raha hai,
apne kya RamRam karo,... nahin.. ve sewa me lag gaye.

Ghar me mehmaan aaye hain aur yahan tum aankh band karke dhyan kar rahe ho?
Bapuji sewa ki prerna baar-baar de rahe the.
Bapuji bole ki jo keval apni mukti ke baare me sochta hai us par Bhagwan
itna khush nahin hote jitna ki jo doosro ki mukti me bhi sahayak banta hai
us par Bhagwan jyada khush hote hain, Bapuji bole ki jo bas pane liye sadhan
bhajan karta hai wah swarthi hai.

Bapuji bole ki Sewa me bhi jo sewa Sant aur samaaj ko jodne wale Daivi
kaarya me lagte hain waha param sewa hai.

Samraat ke saath rajya karna bhi bura hai, na jaane kab rula de, Fakir ke
saath bheekh maangkar rahna bhi achha hai na jaane kab mila de, jitni der
Rishi Prasad ki sewa karte hain utni der to Fakir ke saath ho hi gaye....

log kahte hain man bada chanchal hai- chanchal kya nahin hai- prakriti me sab chanchal hai- fir bhi isme jo achal hai vo mera hai mein uska hoon. 


3 tarah ke dhyan hote hain- Sabal dhyan jisse bal mile, Shukla Dhyan- gyan
prakash ka dhyan, Shyam Dhyan-- kuchh nahin -- chup dhyan,.. doosri category
me kundalini yog ke dhyan me 4 tarah hote hain paadasth, pindasth, roopasth,
roopaateet- vicharon ko dekhna yaha roopateet dhyan hai,..

subah-subah 5 aahuti deni chahiye
Aum Avidya juhomi swaha
Aum Asmita juhomi swaha
Aum Raagam juhomi swaha
Aum Dwesham juhomi swaha
Aum Abhinivesham juhomi swaha

dhyan karne ki koshish se hum dhyan se door chale jaate hain, kuchh mat karo
- Sai ke jahaaj me baith gaye ab ve hi jaane.

sabko dekhne wala kon hai? jo sabko dekhta hai lekin sab use nahin dekh
paate vo kon hai?

4 min. hontho me japo (Aumkar athwa Gurumantra), fir 2 min kanth me, fir 2
min hriday me, fir 2 min kuchh mat karo. ye 10 min. ka course din me 2-3
baar kar lo -- fir dekho kya hota hai??

Bapuji Sureshanandji ki safalta ki kunji bhi bataye- Dhyanmoolam Gurormurti
..

2 shakti hain - Praan Shakti aur Ravi shakti, raat ke 12 baje se subah 12
baje tak Praan shakti jyada rahti hai isliye baudhik kaam subah ho jaaye to
achha hai, sadhan bhajan ka samay subah 4 se 10 baje tak ho to hitkar hai,
din me 12 baje ke baad Ravi shakti nikharti hai- usse kaam karne me utsaah
aata hai- majdoor bhi din ke 12 baje ke aaspaas kaam karne ko jyada utsuk ho
jaate hain subah ki apkesha. Praan shakti Ravi Shakti se jyada sukshma hai,
praan shakti badhane ke kai prayog bataye Bapuji,..jaise pranayam anulom
vilom ke baad 7 60-40 pranayam avashya karne chahiye.

Naya yogic prayog- seedha let jaaye, fir moolbandh jaise karte hain vaise us
jagah ko sankocha chhoda - aisa 30-40 baar kar ke fir naak se gahra shwaas
leke ye bhavnaa karo ki jahaan beemari waha shwas jaa raha hai fir baahar
foonk maarke vo shwaas nikaal do sur bhavna karo ki rog bhaag raha hai. aisa
5 baar shwaas lena-chhodna hai.
vaat ke 80 rog , pit ke 40 rog iaur kaph ke 20 rog isse door hote hain..

apni ichha ke anuroop karna ye man ka swaroop hai- manki vaasnaaon ko
mitaane ke liye doosron ke anukool ho jaayen (dharmyukt)..

Bapuji bole ki jo yahan diksha lekar aur devi devta ko bhi poojte hain unke
liye to mujhe aashcharya hota hai, yahan kis cheej ki kami hai,... are
Bhagwan jisse bhagwan hai uska Gyan yahan tumko muft me mil raha hai aur tum
aur devi-devtaaon ke paas naak ragdte ho... mujhe aashcharya hota hai..